環保團體長春社同香港電燈合辦多年嘅綠遊香港導賞團，今年開闢全新生態文物徑，導賞包括漫遊灣仔石屎森林裏僅存嘅歷史文物同自然景物。
長春社總監蘇國賢話，新路線名為「匯聚下環」，路徑包括灣仔（舊稱下環）區內嘅藍屋、洪聖廟、和昌大押、灣仔郵政局、北帝廟、律敦治醫院、星街發電廠遺址同舊灣仔街市等建築物。佢話市民或遊客對呢啲景點可能好熟悉，但未必清楚佢哋嘅背後歷史。
長春社培訓嘅導賞員會沿線向團友詳細解說，促進市民對香港生態文物資源同生態旅遊嘅認識，提升市民對保護環境同保育生態文物的意識。蘇國賢鼓勵都市人忙裏偷閒，參加生態遊舒展一下身心。報名詳情可參考綠遊香港App或長春社網頁 https://goo.gl/PL2neC 。