曾主演韓片《我班Friend好搞嘢》嘅41歲女星咸素媛，曾是韓國小姐出身，現時佢專注喺大陸發展，曾自爆有一個富二代大陸男友，自爆對方擁有7部名車，亦擁有唔少物業，雖然兩人分手收場，但對方曾豪花金錢包下整個溫泉為佢慶祝生日，大前年分手時又送咗層價值40億韓圜(約2,840萬港元)嘅豪宅畀佢做分手禮物。早前佢仲喺網上公開同細佢18年嘅網紅男友拍拖，即時惹來關注。
而咸素媛近日又再成為焦點，事關佢喺網上大晒兩張照片，當中照片就有一架超級跑車，由於名車價值不菲，即時又惹來網民議論紛紛，佢又留言話：「我喜歡草綠色。我的朋友看來也知道我喜歡草綠色這個事，謝謝。」而司機位就有坐住疑似男友，唔知架車係唔係男友送畀佢呢？唔少網民就批評佢太話炫富，覺得佢哋呢段母子戀遲早分手收場。