李彩華、徐小鳳、關心妍和老公、余安安、諸葛紫岐等，昨晚在邵氏影城出席「劉詩昆、孫穎音樂盛宴」，現場忽然下起雨，嘉賓冒雨影相時，略顯狼狽。李彩華日前被影到在銅鑼灣崇光的感謝日掃貨，她笑說：「係呀，我就去咗崇光感謝祭買手袋，啲朋友成日去，又話買廚具好抵，咪一齊去囉！點知俾人咁近影咗都唔知道。」
她自言不介意被人看到買特價貨，不過有時不論平貴都會買，當然減價就更抵，她笑言：「有時等唔切減價已經忍唔住買咗，不過當日好逼，我唔怕，好貼地，好似食嘢咁，乜都食，有陣時去到茶餐廳要等住都冇所謂，最緊要好食，有時連杯麵我都覺得好好食。」
採訪：卓寶花
攝影：沈健程