【中環ifc】宋熙年去年9月與拍拖7年男友陳智燊舉行婚禮後，經常孖着出入，甜蜜爆燈。今年8月宋熙年32歲生日，老公陳智燊就偕老婆到馬爾代夫度假慶生，其間宋熙年於Instagram大解放上載了不少泳衣靚相，便是由陳智燊操刀拍攝。
邊行邊影
這對甜蜜夫婦前日又再出動，下午4時許，陳智燊與宋熙年現身中環ifc商場，陳智燊拿着相機和腳架，明顯是幫老婆影靚相。二人在商場內行往中庭位置方向，其間邊行邊拍照，適逢該商場有聖誕活動展覽，二人於是不停玩和不停拍照，表現相當enjoy。
在展覽活動中，宋熙年先發現一個電流棒遊戲，陳智燊就踎低對着鏡頭為老婆倒數，可惜宋熙年玩到一半便輸掉。到玩敲鐘遊戲，陳智燊一敲便彈到十分高，引得途人也駐足圍望。二人玩得最開心是坐上模型飛船，雖然模型飛船不能郁動，但兩公婆就不停郁來郁來十分投入，引得在場幾位小朋友也想參與，宋熙年見狀，於是跟小朋友傾談幾句，又舉起兩隻手指，似在示意每次只可以坐兩個人，而兩公婆前後逗留了半小時便離開。
「乜都買啲」
陳智燊被問到當日跟老婆在商場嬉戲，他表示是為自己的YouTube channel進行拍攝，問到是否順道購物為聖誕做準備時，他說：「前一排買咗護膚品，今次買吓啲衫、鞋，乜都有啲啦。」
採訪、攝影：羅德光