《愛情DQ掣》公開招募單身男女： http://bit.ly/2gTfvIV
尋尋覓覓，冷冷清清，兜兜轉轉都仲係孤零零？《蘋果動》即將推出全新男女配對節目《愛情DQ掣》，單身的你有福了！我哋會透過報名人士定下嘅擇偶條件進行配對，為每對男女安排一系列活動，從互動中深入了解對方，話唔定仲會擦出愛火！如果想認識新朋友、或者尋找戀愛對象，千祈唔好錯過呢個機會！
《愛情DQ掣》簡介
參加資格：參加者須年滿18歲及為單身人士
報名表格： http://bit.ly/2gTfvIV
報名方法：填妥參加表格、提交相片及自我介紹短片，以作配對用途，入圍者將有專人通知。
招募截止日期：2017年11月30日（星期四）
如有任何疑問，歡迎電郵 [email protected] 查詢。如有任何爭議，一概以蘋果日報有限公司之最終決定為準。
上星期我哋同大家探討時下香港女生對理想伴侶嘅想法(詳見另一則動新聞： http://bit.ly/2zw9VXv )，今集嚟到男士篇。一眾男士都話揀女朋友主要以內涵行先。蘇先生覺得率直、開朗嘅女仔最吸引。何先生直指對方性格「港女」嘅話唔使考慮：「命令你去做啲咩、買啲咩比佢呀，呢啲我接受唔到！」馬先生希望另一半會關心社會，「如果唔知社會發生咩事，會溝通唔到。」
咪以為男仔實會鍾意柔弱女生，李先生就特別欣賞女漢子：「有啲女仔好似成日要扮弱者，我覺得係唔需要，女仔可以好堅強！」
外型方面，蘇先生鍾情有「肉地」嘅女生：「我張床已經係木板床喇，骨『杉杉』真係幾難訓；笑容好我會加分！」另一位蘇先生就唔太介意對方身型，「好瘦有得增肥嘛，肥有得減，咪陪佢做運動囉！」認真唔話得。
講到身高，男士們各有睇法。梁先生堅持自己一定要比女朋友高：「女仔會有安全感啲。」另一邊廂，蘇先生就覺得長短腳之戀唔係大問題：「(最多)高我三分一個頭。」馬先生笑話：「（女朋友）高過我未試過，我都想做下Tom Cruise！」蘇先生亦話：「反正未試過踮高腳鍚女仔！」
至於年紀，大部分受訪者唔介意姐弟戀，蘇先生認為大3年冇問題，梁先生覺得即使差10年都接受到，馬先生仲爽快回應：「得！有啲女仔可能年紀差唔多或者大過我，都會有佢自己淘氣嘅一面。」
浪漫愛情人人都想要，但有人會得麵包先最實際。究竟係咪要對方有車有樓先有得諗？下集同大家睇吓一眾港人對另一半經濟條件有咩睇法。如果你自問有條件，奈何仲係單身，唔好諗咁多喇，立即報名《愛情DQ掣》，畀自己一個脫「獨」機會！
更多娛聞，喺晒《娛果》
http://fb.com/appledailyent