英國《天空體育》報道，炒咗千古罪人雲杜拿嘅意大利足總，已經就目前懸空緊嘅意大利國家隊教練位置，聯絡過安察洛堤，但報道就冇提及雙方意向。據講面對足總邀請，肥安冇立即應承，皆因佢想睇吓會唔會有其他更加吸引嘅邀請，先決定教唔教意軍。外界就猜測肥安認為國家隊工作好沉悶，要周圍去睇人踢波，而國家隊賽事就要等成個月先有一場，所以亦解釋到點解佢從教22年以嚟都冇教過國家隊。