成日被鬧兩頭蛇嘅雙「紅」名將奧雲，當年接受訪問曾經講過自己鍾意睇馬多過睇波。鑽研馬術嘅佢，下星期五就會喺雅士谷一場慈善賽，而佢今周末就去咗英國和夫咸頓練習，仲喺社交網絡承認自己好緊張，用反話形容今次可能係自己人生中最愚蠢嘅決定。講番身為利物浦全球大使嘅奧雲，早前又得罪紅軍球迷，話當年可以入「魔」全因曼聯簽唔到賓施馬，要感謝對方成全佢夢想！