官員在議會內講嘢唔需要事實。
梁君彥講出了事實。事實就係，唔使理事實。
殺無赦，係事實，針對梁愛詩口中愚蠢的球迷。邊個界定愚蠢？事實係，只要係蠢，一定就係死蠢。天眼追溯，一網打盡。波係圓嘅事實都未必再係事實。龍門亂搬，甚至DQ龍門，空籠，場波照打，波照贏，雞照叫。事實上，主席，你用過手機照雞未？唱住國歌，勃起來照雞，不違反社會常態喔。
開始林鄭雞步走的割地兩檢，議會中響起立體三圍輸粒鈕的調調。陳帆局長，你老胚，好色啊！真不禁懷念起毛主席來！咦，要不驗一下DNA，毛主席沒享用到手機支付叫雞，但說不準會有N個私生子。高鐵未來有2700億收益，局長可以篤到咁勁啊？一命二運三風水，局長，你等唔到那一天。賭一鋪吧，天安門毛主席那張強力辟邪相，被換成習大大的那個時候，西九高鐵（與貴州那條豆腐渣）還在蝕蝕蝕，站站停，前進進。
不久將來，西環買起足總，輕而易舉，本土勁揪球迷被大媽大叔團的五星旗淹沒。高鐵開通，強國土豪識做，包車直搗總站，掃樓掃貨（叫李超人開價，買埋佢深水灣間屋）！紅海紅歌紅色現鈔，西九重地，窮人免進。唔需要事實啦，萬眾一心，香港香咗，中國won晒。