黃又南最近忙為組合Shine於明年3月的紅館騷準備，又爆出秘撻珠寶商太子女莊莎娜（Sarah），讀者馮先生日前透過《蘋果》的「爆相爆片」，投訴又南車品和人品有問題，從馮先生的行車紀錄儀片中，看到又南當日接載的人，疑似是Sarah。
落車時叉腰
日前又南駕駛戰車現身旺角山東街，他被馮先生投訴：「黃又南爛仔上身，架車行行吓停咗喺度。」馮先生日前在電話中說：「嗰晚喺近麥花臣足球場，佢突然急停，又冇打死火燈，差少少就撞埋去，司機係我老竇，跟住我哋落車同佢講，當然情緒就乜啦，嘈啦，佢叉住腰起晒摃企喺度，有間舖頭老闆娘出嚟勸佢，佢架車有個20幾歲染金啡色頭髮女仔，都落車同老闆娘講咗幾句，之後黃先生上車開走。」
問到又南可有道歉？馮先生說：「一開始有講，只不過落車時叉晒腰起摃，咁佢道咗歉都接受囉。」
從讀者提供的短片中，清楚看到又南的戰車突然停下，有人大聲爆粗狂鬧：「X你老母，你做乜X嘢，X你老母XX，嗰條XX二打六明星……」對於被指摘，又南日前回覆：「嗰日我睇農夫演唱會，因為附近嗰間舖頭係朋友開，我打個招呼，之後一個綠van司機，我喺架車入面已經聽到佢『乜乜我媽媽』，跟住我落車問『我媽媽做乜事得罪你呢？』我諗係一個誤會，惟有硬食啦，冇計。如果係我唔啱，同佢say sorry冇所謂，但唔明佢點解要乜乜我媽媽！」又南否認載緋聞女友Sarah：「車入面嗰個女仔係助手。」
係我唔啱」
又南昨晚在九展出席晚會，對於被讀者投訴急煞車一事，他說：「我冇打死火燈停車係我唔啱，但我唔係急停，係慢慢駛停低，睇番條片就清楚晒成件事。過程中我冇爆粗，本想開車走，但聽到對方不停問候我媽咪，我忍唔住落車。作為藝人EQ應學再高啲，我唔應該落車，我會再學習。」
採訪：皓騫、馬建華
攝影：陳俊強
