澳門大賽車嘅車模來自五湖四海，佢哋參與次數可能多過唔少車手。其中Niana同Wayii就分別第五同第二次做澳門賽車嘅車模，但佢兩個仍然覺得賽車好刺激！佢哋仲話今年「戰衣」係有名師設計，可以將佢哋嘅完美線條展示出嚟。來自廣州嘅夢囈就係第一次嚟澳門做車模，睇嚟佢有啲緊張，想講澳門大賽車點知講咗「奧林匹……」跟住先一路儍笑一路更正。
