近日Angelababy（Baby）帶囝囝小海綿返香港，第一次被捕捉到正面照，令Baby同黃曉明都非常唔高興。同一時間，Baby的秋冬街拍曝光，無論正面定背面睇都仍然係少女一名，靚媽之名當之無愧！
Baby簡單着上白Tee加牛仔褲，外搭Balenciaga的軍綠色Bomber Jacket，率性型格之餘長腿亦非常吸睛，盡顯完美比例；腳下的寶石毛毛靴更是搶眼，身為UGG的代言人，今次着的是上月推出的UGG x Jeremy Scott款式，根據過往經驗，凡是Baby着過的款式都會被搶購，今次相信亦不例外，不少網民都已經爭住問「邊度仲有得買？」