胡杏兒、EXO成員世勛、文詠珊（JM）、孫儷、周汶錡、周柏豪及吳建豪等，昨晚在尖沙嘴出席Moncler旗艦店開幕活動。胡杏兒產後首次復工，體形仍略胖，她表示還差幾磅才減肥成功：「自己都好怕悶，所以早啲出番嚟。每日喺屋企餵奶，辛苦所以瘦得快。」
感染身邊人
講到姚子羚見過杏兒餵人奶後表示感動，杏兒笑說：「好想感染吓身邊人，因為佢哋遲早經歷呢一日。大家好姊妹冇所謂，係驚嚇親佢哋，胸咁大，不過就冇計大咗幾多。」她又透露老公是湊仔能手，姪仔姪女都是由他湊大，她說：「佢識掃風同換片，我淨係負責泵奶，希望遲啲好似老公咁熟手。」更自言沒想過當全職媽媽。
吳建豪表示已有一年沒有來港，對於前F4拍檔言承旭跟林志玲復合，他說：「It's great，有講過是好事，他們兩個的事情，開心就好，兩個人都很善良。」他謂言承旭沒講過復合的事，至於F4會否聚頭，他反問：「May be，你們想不想？」
早前因手足口病缺席首映禮的JM表示已好轉，她說：「𠵱家講到嘢冇晒事，不過隻手仲有少少甩皮，之前病咗個幾星期，頭5日最辛苦，連水、湯都飲唔到。」她笑言是照顧發病的男友令自己染病。對於李佳芯在劇集有模仿JM tone之嫌，JM笑住話：「唔好笑我啦，唔好模仿我啦。」
世勛引尖叫
另外，周柏豪早前被網民指亂泊車，更起了花名「周圍泊車嘅豪哥」，他強調沒有亂泊亦沒有阻人，表示既然出了新聞，以後會留意周圍的人，亦會謹慎。被問到經常「出事」，他笑說：「係咁，活躍嘅藝人一定被受注視，我想講番當日個女仔係我老婆嚟嘅。」而世勛在場內站了一分鐘拍照期間，在場粉絲勁尖叫。
採訪：卓寶花
攝影：仇志德
