藝人楊千嬅同許紹雄喺《新紮師妹》內的「方麗娟」同「方鍾Sir」角色深入民心，呢個經典組合最近又再現身，聯手進行「獵捐行動」，究竟所謂何事？話說東華三院最近搵嚟許紹雄同楊千嬅拍宣傳片，片中方鍾Sir不斷喺醫院搵飾演「方月捐」嘅楊千嬅，發現方月捐正進行探訪老人家重要任務後，即時轉告方月捐東華三院搵佢幫手，因為該院正就月捐計劃好急咁招募新紥捐款者喎。方月捐聽到就話，月捐不能只靠佢自己一人支持，話：「其實個個都可以係阿捐！」叫大家可以上網支持東華三院的月捐計劃，加入齊齊做阿捐，大家如果想要睇呢段得意宣傳片，只要上東華三院facebook就睇到。