曼聯周六尾場主場鬥紐卡素前就有好多新聞，禮拜三先喺奧脫福為聯合國兒童搞個周年慈善晚會。今次活動籌到嘅善款，將會支援泰國小朋友嘅教育計劃。唔少球員仲攜眷出席，各WAGs都盛裝出席。除咗一班WAGs爭妍鬥麗，就傳來傷兵好消息，養傷多時嘅保羅普巴同伊巴謙莫域隨時可以打後備㖭！
據悉養傷咗兩個月嘅普巴就好有可能喺禮拜六嘅英超復出，連因膝傷休息咗大半年嘅伊巴都可能神奇復出！而養傷咗209日嘅後衞馬高斯盧祖，禮拜三亦都喺U23賽事復出踢半場嘞。另外，中堅基斯史摩寧喺街頭被影到為咗避免俾警察抄牌，同老婆曲姬一齊狗衝去救車，點知竟然跑輸畀老婆，你話搞笑定可悲？