【我老公係發哥連載系列13之開槍好型】發嫂陳薈蓮做了周太已有31年，除是賢內助外，更要幫發哥做經理人、財務大臣等職務，一人分飾多角，由發哥起居生活、打理家中事務，到他的演藝圈工作都打點得頭頭是道，令發哥可以放心過着養尊處優的生活，專注演員工作。
增值自己
發嫂周身刀張張利，其實她由畢業到婚前做過不同類型的工作，由模特兒、空姐都做過，她說：「我喺英國讀完business返新加坡，第一份工係做receptionist，我覺得人生唔需要你讀乜就即刻去做，你做人要放鬆啲又開心啲，乜嘢都試吓，喺個過程你就學識好多嘢，你又可以develop你自己。」
投考空姐
發嫂雖然外形嬌滴滴，但有傳她曾做過陀槍師姐，她直認有此事：「做過警察，係駐守喺學校，好好玩喎，嗰時呢，應該講好男仔嘅behavior，我着裙都係18歲之後嘅事，我覺得開槍好型，我哋新加坡有得揀，咁咪去training囉，喺個police force，我覺得幾好玩。」
其實，發嫂愛外闖，不過她身為大女，未有即返家幫手打理貿易生意，令陳爸爸生氣，她說：「我爸爸好嬲，今日又做model，跟住又去做SQ（新加坡航空公司），總言之冇返去佢公司做，佢就好嬲我，最後尾我係做Singapore Airline，我飛咗一排。」發嫂嘗試過不同工作，最後當然有做乖乖女幫爸爸手：「都試咗咁多喇，喺出面做嘅嘢都試咗，可能個人長大啦，爸爸叫返去咪返囉。」
記者：陳月媚、倩宜
攝影：陳順禎
協力：林德雄
髮型：Byron Ho、Louis of Hair Culture
化妝：Fiona To