出名的巴西騎師除了雷神莫雷拉外，唔好唔記得仲有個綽號猛人輝的蘇兆輝，近年他去英國發展得有聲有色，更是應屆英國冠軍騎師。
蘇兆輝對上兩年亦有短暫來港客串，上季在港贏16場馬，佢接受外國傳媒訪問時，就話幾enjoy香港跑馬模式喎。
「在港客串的期間，我非常享受，而且又贏得多場頭馬，希望今季能夠回港再一次客串。」猛人輝強調，必須有一定成就才能有機會在港策騎，家陣佢肯定夠晒quali啦，事關佢本人上季返英國之後變得超勤力，剛結束不久之英國賽季，跑過千場賽事的騎師就得兩位，猛人輝咪其中一個囉。加埋其勝出率又高到接近19%，咁咪輕輕鬆鬆lead住英國嗰堆老虎莫雅、戴圖理、杜俊誠，令蘇兆輝得以重奪英國冠軍騎師。
既然猛人輝都開到聲，唔知香港馬會會否在稍後再搵佢返嚟，搞旺個場呢？不過阿輝少，就算你未來獲發牌，都唔好再好似上季咁，狂比人罰停賽先得呀！