由尼馬領軍嘅巴西周二喺國際友賽作客英格蘭，結果只能同年輕而欠經驗嘅三獅軍團賽和0:0。巴西今場強陣出擊，尼馬、菲臘比古天奴、加比爾捷西斯全部正選，面對有哈利卡尼等繼續因傷缺陣嘅英格蘭，但始終無法打破缺口。羅夫度斯卓克今場只踢咗34分鐘被換出，而費蘭甸奴喺76分鐘遠射中柱後彈出，英格蘭亦有後備上陣嘅蘇蘭基喺完場前錯失入球良機，最終英格蘭與巴西互交白卷。