全新旅遊專頁，即like籽想旅行： https://fb.com/travel.appleseed
玩兩個轆跟四個轆當然有點分別，綜合今次關東行大運自駕經驗，有五個貼士給一眾鐵騎士。
1.駕駛電單車跟團比較安全
電單車團由日本Rental 819籌劃，可以自行租車或跟團玩。不過揸電單車風險比四個轆大，較易壞車，而且又無導航，有領隊帶着走照顧比較好，加上跟團有backup car放行李及支援簡單維修。最重要，未計保險，包租車團費$12,000起，唔算貴。
2.視乎能力揀車款
好多人都想試玩平日少接觸車款，如Harley Davidson Road King及Ultra Limited等，這類車無疑好有台型，但要用來攻山路就要三思，除非你本身十分熟練駕駛大型巡航車，否則揀細CC電單車比較好。
3.裝備要充足
日本揸電單車除了必備的頭盔，最好帶手套、外套，不准穿拖鞋及短褲。手套及頭盔都有得租，不過雨褸就要自己買，所以最好帶定提防無情雨，其次是一定要做足禦寒打底，有機會夜晚趕路仲凍。
4.小心濕路三樣東西
當下雨天攻山時，一定要避免在地面白漆線或金屬類東西上行駛，其次是小心提防地上的樹葉，大多的話同樣容易跣車，跌花部車要畀墊底費的。
5.記得入油唔好衝彎
每日出發前入油，大部份電單車都無油錶，細CC車只可行200公里左右，上了山，你想搵油站都難。其次是很多山路彎位鋪了減速膠，不要嘗試太高速度入彎。
採訪：許維雅
攝影：蕭志南