苟芸慧、劉萬儀、黃芷晴、蔡潔同姚書軼等噚日喺中環出席彩妝活動記者會。陸漢洋已公開表明非苟姑娘不娶，有着落嘅苟姑娘看來心廣體胖：「傳咗太耐結婚，可能冇嘢好講，希望我努力工作有所成就，可以取代呢啲報道。」
忙完工作再計劃
苟姑娘話屋企人會嚟香港過聖誕節，到時會同男友家人見面。男友之前已見過自己父母，佢話：「爹哋媽咪好欣賞佢，家長方面OK嘅，屋企人都唔會催我結婚。」近日佢幫雜誌影咗輯婚紗相，希望趁機試多啲唔同款式婚紗，至於幾時先會真係影婚紗相？苟姑娘話：「暫時冇計劃，佢今日未有求婚，佢仲有賽車賽事，要忙完先再諗。」而噚晚苟姑娘同男友再出席喺柴灣舉行嘅慶祝晚宴。
撰文：馮仁昭
