兩個大男人，黐到咁埋搞乜呀？今早(13日)沙田馬場晨課，練馬師徐雨石踩單車往烽火台途中，突遭騎師李寶利攔路截停，兩人幾乎面貼面，傾咗一輪，似在研究搏殺大計，只見徐雨石笑得好暢快，看來有好事近了。
睇番周三(15日)快活谷夜馬，徐雨石只有第八場二班1650米的「神舟小子」交由李寶利操刀，明顯兩人今早的話題，正是圍繞此駒。「神舟小子」前季四歲三捷，上季五歲一事無成，以為實力已盡，原來今季六捷才大熟大勇，季內三戰得一冠兩亞全入Ｑ，贏馬一役所擊敗的亞、季軍馬「紅運精彩」、「勢必跑」其後均報捷，更可反映「神舟小子」戰鬥力之強。
再看李寶利今季贏過七Win，多達五場在谷草取得，跑谷草似乎特別有心得，難得他可接手「神舟小子」這類當銳馬，唔怪得今朝咁緊張，係都要捉實師徐雨石猛咁傾啦。