早前自嘲自己已老，已是上一代騎師的45歲法國好手杜利萊，本周三(15日)快活谷夜馬將停賽期滿復出，屆時杜利萊能否有馬贏？老實講，機會唔係冇，但難啲囉，事關佢今期得一隻馬跑咁大把，就係第二場五班1650米的「善者」。
5歲的「善者」去年5月7日勝後，已連續14場不入三甲，表現無甚起色，今仗排11檔劣位，睇嚟杜利萊好大機會只能從此駒身上賺取1200元策騎費。
至於近兩戰俱有馬贏，分別憑「軍歌」、「軍炮」建功的過氣前冠軍騎師韋達，看似扭轉頹勢，本周三亦是他46歲生日，喜事接踵而來，但練馬師們對他的支持，卻未見同步增多。
今期韋達只有「金獅雷將」、「勁精神」兩匹座騎，其中「金獅雷將」至今三戰未有過表現，而「勁精神」歷來在港勝出、上名紀錄俱在泥地取得，谷草是盲門，咁搞法唔通韋達、杜利萊真係只能等掛靴的一日？