名校面試還問同學仔點解沙律裏面的蘋果無變色？不是吧。
有口痕友代答：a因為沙律是中國製造，已經將蘋果染紅，無得變啦。b習帝話蘋果唔可以變色就唔可以，你懂嗎！c在強國餐廳食沙律，預咗中伏，隻蘋果係假嘢，明白未。d你白癡啊，支蘋果手機X，咁都唔變色，證明唔係A貨，幫我掃五十支！
迎難而上，名校應該面試家長，追問一下，自稱財經分析員或者擁內地N個碩士，再來香港easy拿走博士學位的精英父母，當遇到普通話來電，自稱上海公安，說你牽涉洗黑錢集團乜乜乜。閣下學富五車，子女品學兼優，怎麼應對？立即收線？太被動怕事，肥佬。兇對方「我爸是李剛」？李剛失勢落馬，拍錯馬屁茲事體大，校長即場打佢交叉。優質答案，是要菁銳家長心懷祖國，幫習總減煩平亂，對電騙黨曉以大義，兄弟，你呃人咁叻，不如諗大些，呃勁些。世界是中國的，中國夢可以容納N個龍雲、牛雲，在偉大習思想下，叫雞都用雞腐保的新時代中，用吓腦，包你發過……王岐山！嘩，家長警棍都無揮一下就能馴服電騙黨，校長，點捨得say no。