沙田馬場今日（11日）上演周末日賽，第一場五班1400米，結果由落飛啡燈馬勝出，容天鵬馬房、梁家俊策騎之「盈進」臨尾由20倍過外急跌至10倍開跑，更飛到馬到勝出，單Win及組合獨贏A3分別派105及28.5元。
4歲澳洲自購新馬「盈進」以往12戰最叻兩次第三，處女馬戰績欠佳，而且更非常冇運，連同今仗連續第三次抽14檔，所以落飛黨仍敢重注此駒，真不知信心何來，但「盈進」又的確一有重注即有料到，今仗在梁家俊胯下火速切入，越放越有，直路中段一度看似未能埋尾，但最後幾步又回復勁勢，贏0.5馬位打開服役勝門。
落飛黨今場扑中「盈進」啡燈Win，獲利約900萬元。而容天鵬10月11日贏「中華壹號」後，足足守齋1個月，今日始憑「盈進」重開勝門，為馬房取得今季第7Win。
今場第二至四名順序為「電訊大炮」、「青梅竹馬」及「四小福」，四重彩派47,334元。