彭浩翔昨日現身銅鑼灣中央圖書館，領取他與插畫家b.wing合作的繪本《伊巴謙的一天》獲得今年「香港中文文學雙年獎」兒童少年文學組雙年獎，他在台上講感言時：「天馬行空都好，都冇諗過2006年非洲肯雅探訪旅程，11年後得到呢個獎，人生可能性大過我想像。」他一直想將古仔拍成電影，不過因肯雅政局問題而未有實現，現正考慮將繪本動畫化。
問到彭浩翔攞獎後，會否增加信心再出兒童書，他笑言：「因為我哥哥唔畀佢仔女睇我所有電影，呢本書嚟突破佢審查，嚟緊都繼續為佢哋寫古仔，哥哥話『咁咪好，有啲動物，唔好再搞《低俗喜劇》嗰啲女仔。』姪仔都好鍾意呢啲古仔，等佢知道喺世界上係好幸福。」
採訪：羅慧敏
攝影：林嘉銘