政府3個月前話，計劃出年3.11就立法會港島區、新東、九西同埋一個功能組別做補選，不過政府只係話「計劃」喺嗰日補選。睇番舊年新東補選，民主思路湯家驊喺2015年10月辭職後，10月底、差不多補選前4個月就刊憲話舊年2.28補選，但八方噚日睇勻成份憲報，都仲未見政府就3.11刊憲。
其實法例冇講明補選前幾時刊憲，好似2010年五區公投，政府喺2010年2月尾話五區公投喺5.16舉行，但刊憲就喺3月初先做，所以政府可以唔咁快刊憲，基本上冇問題。不過噚日嘅憲報都有啲關補選事，就係為明年補選中負責運送物資嘅服務招標，既然搵得物流公司，怕且政府都快要做最後決定。