麥浚龍（Juno）、鄧紫棋（G.E.M.）、周柏豪、鄭希怡、連詩雅、周國賢及馬天佑等，昨晚齊集中環出席活動。有指產後的謝安琪（Kay）即將復出，並已簽約Juno公司，Juno昨晚回應：「係，所有工作如期進行，已經揀緊歌，好期待，今次係另一種合作，之前透過歌認識，大家互相信任有默契，Kay已進入工作模式。」有傳張繼聰不想老婆太早復出，Juno則表示所有工作安排，大家都有傾有講。
霆鋒食完想再食
Juno執導的《風林火山》拍攝進度如何？他謂對時間已經失去理念：「拍咗三分二，好多特技後期，明年中差唔多。」電影巨星雲集包括金城武、梁家輝、劉青雲、古天樂等，問Juno拍攝時有沒有甚麼難度，他就說好開心，因每個演員都鍾意自己角色。
柏豪賭枱有贏錢
同場的周柏豪明天生日，他說至今已切了八個蛋糕：「歌迷好有心，知道唔愛收禮物，就將買禮物嘅錢攞去捐款再畀收據，覺得好有意思。」談到早前被影到在澳門賭錢，他笑說：「冇乜大不了，贏咗少少，不過喺賭場影相真係好危險！」
採訪：羅慧敏
攝影：陳俊強