多年前發起「請給保安員椅子運動」嘅藝術家程展緯最近為時代廣場UA戲院售票員成功爭取有凳坐！事緣佢早前去睇戲時發現售票員冇凳坐，細問下先知係得時代廣場冇。佢前日就喺fb上載咗10月份向時代廣場申請登外牆電視屏幕廣告嘅內容，提到見到UA戲院售票員長期站立工作，所以想買個廣告呼籲社會關顧服務業打工仔長期站立勞損問題。
UA戲院5日後回覆話，院線一直好注重員工身心健康，但有現場空間及運作上嘅安全考慮，但已即時提供少量凳畀員工用。程話現時已有指引叫僱主加凳畀員工，但喺設計店舖時冇顧到要擺張凳，呼籲勞工處加強監管。佢仲話下月會公佈「放工後打工仔撐未放工打工仔運動」，希望可以全民參與，為打工仔發聲！