【我老公係發哥連載系列8之新丁上陣】一個新加坡姑娘嫁來香港，有一日老公突跟她說：「你幫我做經理人啦！」然後丟下一部《孫子兵法》的書給老婆說：「嗱！你睇完呢部書就知點樣做經理人啦！」發嫂（陳薈蓮）就這樣成為周潤發經理人，一做做了超過20年。
發嫂身兼幾職，除照顧發哥的起居飲食，更要擔當經理人，還要打理自己的投資生意。發哥夠膽在8、90時代黑幫入侵影壇時期找太太當經理人，沒想到發嫂這個經理人新丁，當年面對不少江湖大佬仍毫無惧色。
為發哥爭最佳利益
問發嫂老公為何要求她看《孫子兵法》？發嫂笑言：「佢叫我睇完自己領會，我睇咗10次，再經歷一啲事先明白書中道理。」發嫂在發哥合約上出名要求高，遠在荷李活，近至中港台的電影公司與她交手都甘拜下風，發嫂表示：「當然在公在私都要為老公爭取到最佳利益同保護佢，我絕對唔介意做醜人。」
分工清晰冇磨擦
發哥會自資在片場搭建發記士多，讓工作人員可以吃小食，發嫂表示：「見佢哋食得開心，我哋就開心，今次拍莊文強嘅《無雙》，同成班crew喺加拿大拍外景，大家好開心。」為發哥做了這麼多年的經理人，有發生大磨擦嗎？發嫂說：「我哋兩個分得好清楚，佢係creative，我係management，佢從來唔會干涉或質疑我做嘅嘢。」
採訪：陳月媚、倩宜
攝影：郭賢興
協力：林德雄
髮型：Byron Ho、Louis of Hair Culture
化妝：Fiona To
場地提供：香港嘉里酒店