2017金足獎(Golden Foot award)周二喺摩納哥揭盅，效力波圖嘅西班牙門將卡斯拿斯力壓基斯坦奴朗拿度（C朗）同美斯等九名球星，贏得呢個專為28歲以上球員而設嘅獎項。現年36歲嘅卡斯拿斯係繼去年意大利嘅保方後，連續第二個奪得金足獎嘅門將，佢亦係繼2014年嘅恩尼斯達後，獲得呢個殊榮嘅西班牙球員；至於贏得獎項次數最多嘅係意大利球員，總共曾有四人獲獎。卡斯拿斯今年擊敗嘅對手除C朗和美斯外，仲有紐亞、沙治奧拉莫斯、洛賓、堤亞高施華、蘇亞雷斯、耶耶托尼同埋剛宣佈退役嘅派路。卡斯拿斯係皇馬嘅青訓產品，由1999年起效力至2015年，其後轉投葡超嘅波圖，但係最近已冇得踢正選，佢都好坦白咁話離退休之日已越嚟越近了。