雷神莫雷拉因傷臨時缺陣，潘頓亦停賽，這晚（8日）谷戰變成群龍無首。
結果見習騎師巫顯東乘虛而入，上半場兩度贏馬，先贏第二場李易達馬房「海之濤」，繼而第四場四班1650米，為徐雨石馬房「埼豐」建功，其中「埼豐」單Win及組合獨贏A2分別派87.5及32元。
「埼豐」今場沿途守二、三位，直路沿欄直上一攻而破，小勝頸位，成為徐雨石季內首匹三捷馬，三次都係由見習騎師攻下谷草一哩（其中兩次由徐雨石徒弟黃皓楠建功）。此駒踏入五歲明顯大熟，前景樂觀。
徐雨石指「埼豐」上仗氣管有血，未能發揮應有水準只得第五，今場因徒弟黃皓楠日前墮馬養傷中，「埼豐」換巫顯東，馬兒途中曾甩口，好彩巫顯東騎來夠冷靜，非常淡定，雖然一度被「馬狀元」上前鬥燒，但東仔成功穩定馬匹走勢，發揮值得一讚。
第四場開出16倍華人騎師Q，屬整晚暫時跑出的最熱連贏，告東尼馬房「劍聶風」以大熱身份夥拍蔡明紹後追第二，第三名乃臨時由雷神改配史卓豐的落飛次熱「塑料喜」，第四名為冷馬「無限欣賞」，四重彩派一萬一千幾。