曼聯領隊摩連奴暗示，伊巴謙莫域有可能喺聖誕快車復出。伊巴喺今年四月曼聯對安德列治嘅歐霸盃八強次回合中右膝韌帶受傷，由於傷勢恢復理想，隊友費蘭尼日前喺個人ig上載伊巴訓練片段，見伊巴恢復得唔錯。摩連奴更對伊巴、保羅普巴快復出感樂觀，伊巴上季為紅魔各項賽事上陣46場射入28球及九助攻。