無綫前新聞小花陳嘉倩被本報踢爆有疑似觀音兵男友，日前收工後獲凸腩男管接管送，最後雙雙返坪輋村屋香閨，震驚裙下宅男，網絡紅人King Jer都開帖討論，有網友驚爆嘉倩BB原來有醫生男友：「係醫生嚟，叫Wilson Ng，中大grad，佢男朋友噚晚知道自己帽咗勁唔開心，佢喺Ig有post。」
被聲稱是正印男友的Ig，於凸腩男新聞曝光的當晚帖文大呻：「Can I see the sunsine」，另有花生友又留言爆凸腩男料：「收到風條仔本身有個𡃁模女朋友，即係嘉倩BB做緊第三者。」對於疑似男友曝光兼被網友爆腳踏兩船，陳嘉倩短訊回訊：「感情生活唔想回應太多啦，私生活唔想太高調，多謝關心。」
採訪：嵐山
