唔少騎師或者練馬師會喺季前拜神，祈求自身冇傷冇病下完成季內賽事，各位馬迷都知道，跑梗馬途中一旦跌咗落嚟，真係求神拜佛都希望自己，唔好俾馬踩中，唔係嘅話，就真係死得人架啦；當然拜神嘅目的，或多或少都想神靈保佑，等自己可以贏多幾場馬。
而講到迷信，嚟自毛里裘斯嘅田泰安，真係佢肯認第二，全個馬圈冇人敢第一，事關佢周不時會走去車公廟拜神，聽吓佢講，因乜解究成日咁做先？
佢就話：「我尊重這個宗教，也很相信運氣，所以會去參拜。在香港，所有馬主練馬師都很相信運氣，所以我來到這邊，就比在毛里裘斯更信運氣。」
安仔仲誇張到話，如果個馬鞍幫佢贏到馬，就會一直係咁用，就算馬鞍爛咗都好，自己都會修補，然後繼續用。
其實，呢位車公廟信眾今季唔止成日見到佢影頭馬相，現時仲暫列騎師榜第三位，做梗今季Big 3騎師咁滯，唔通車公真係咁靈驗？