禮拜三（8日）谷草夜賽採用B跑道，睇番最近10月11日同一欄位賽事，頭六場均由居中後上馬勝出，如「泡泡達人」、「快樂火龍」、「中華壹號」及「可愛寶」，都係在中後位置入直路後憑後勁反先對手贏馬，不過要留意尾兩場分別由「首映」及「你知我意」放頭帶到，似乎即場壓地後會形勢逆轉。
今戰列陣馬中，尾場「軍歌」（呂健威馬房）上仗正是在10月11日谷B欄於嫌短之1000米後上跑第二，今次跑番同一欄位及增程角逐1200米，有力贏馬補中。
另外，第二場四班1000米「泡泡達人」（沈集成馬房），兩次跑谷B欄1000米都未輸過，後上馬重返強項，可望回復理想表現。