近年騎師若然有最佳進步獎頒發嘅話，田泰安肯定係熱門人選，事關呢位嚟自毛里裘斯騎師自13年來港發展後，成績越見越好，近呢兩季頭馬保持住40場以上之餘，今季更暫以19場贏仗，佔據騎師排行榜三哥位置添。
成績有咁大進步，相信同佢平時行為有關，因為呢位27歲騎師性格相當外向，晨課期間周不時同練馬師交流。
就好似今日（6日）咁，雖然安仔只為文家良及霍利時馬房共操三匹馬，但課後冇即時返宿舍，反而主動走向唔同廐主進行交流，例如高伯新、呂健威、文家良、蔡約翰及霍利時等，難怪今期周三（8日）賽事，得佢同雷神可以場場有馬騎啦！