科大經濟系前系主任及榮休教授雷鼎鳴（圖）噚日出席以「國家與香港」為題嘅研討會，話香港部份人認為國家經濟會「冧檔」，甚至以「支爆」形容國家面臨嘅危機，但雷教授認為內地經濟係唔會爆煲。
佢話內地科技發展一日千里，好似喺內地捐錢畀行乞嘅人、喺內地「叫雞」（應該唔係講緊叫KFC外賣啩？）都可以透過手機付款，證明內地生活巧方便，遠超香港：「你走去大陸行吓啦，你點見到（經濟）有咩會冧，科技上面嘅進步，學術論文嘅增長，大陸生活程度方便過香港，你畀錢乞兒，都可以攞部手機出嚟照一照，我識得朋友叫雞（召妓）嘅，佢話叫雞都可以拎部手機出嚟照，香港呢啲嘢仲未做得到。」
留意嘞，雷教授係透過識叫雞嘅朋友知道可以手機找數，唔係佢自己呀。