這天（5日）沙田馬場跑馬，開場後早段場次非大熱則次熱贏，包括第三場三班1000米直路賽，由前冠軍騎師潘頓夥拍大熱門蔡約翰馬房「旺蝦王」勝出，單Win及組合獨贏A1均派17.5元。
灰馬「旺蝦王」生於2014年9月28日，才剛轉三歲不久，被馬會列為「短途/一哩馬」組別六大超新星之一，今仗休後復出一插入三班即輕，當然絕不簡單，馬兒近乎一放到底，收韁仍勝2.25馬位。
連同本身上季兩戰新馬賽全勝，「旺蝦王」出道三戰全跑直路賽，清一色由潘頓經手，每次皆以大熱身份輕勝，前途可謂一片光明，擺明是準一班馬。而今場有1.75倍獨贏，已是歷來最「冷」一次。
近日天氣漸冷，但青春無敵的「旺蝦王」馬主劉錫康女兒劉津津，今日不但素顏，而且只薄薄一件露膊連身短裙亮相，完全唔怕凍，贏馬後同爸爸一齊拉頭馬，心情更是熱辣辣非常興奮。
潘頓今午開局順利，跑完第三場已起孖領先騎師王，於停賽兩期前交出好成績。除了「旺蝦王」，另一頭馬為頭場蘇偉賢馬房的的「君達星」。
第三場賽果正宗熱頭冷腳，二至四名都係冷馬，依次為「好客本色」、「鑽飾飛龍」及「祥勝駿駒」，四重彩派四萬二千幾。