做水上活動產品嘅榮威（3358）噚日舉行ipo記者會，由於公司主要銷售地點在北美同歐洲，所以呢間公司雲集不同國籍嘅人，成間國際學校咁。
席上除咗3位中國籍董事之外，仲有位意大利猛男Simone Zesi，其餘坐喺台下嘅，仲有來自美國嘅首席戰略官Patrizio Fumagalli、中南美總經理Cristobal Achurra Staplefield等。
眼神好有威嚴嘅Simone Zesi，今年36歲，係榮威歐洲總經理，駐守意大利米蘭，佢負責歐洲地區市場推廣管理、銷售渠道同客戶服務及財務等，監督榮威喺意大利、法國同德國分公司，喺公司做咗13年咁耐。
不過噚日佢就靜咗啲，冇乜開口，唔知佢是咪操得一口流利普通話呢。