香港今時今日，可以請齊左中右陣營、港英前高官同特區政府官員同場嘅政壇人物，八方相信人稱「政壇教父」、港英年代行政局首席議員、回歸後做行政會議召集人嘅大Sir鍾士元絕對有咁嘅江湖地位。佢噚晚喺灣仔會展擺100歲大壽壽宴，真係冠蓋雲集。
佢徒弟飛哥、自由黨前主席李鵬飛、特首林鄭月娥、政協常委唐英年亦有到賀，仲有前政務司長陳方安生、前律政司長梁愛詩、黃仁龍、前行政局成員譚惠珠、前行會成員李國寶亦有到賀，連近年好少去公開場合嘅港英前最高法院首席大法官楊鐵樑亦有到賀。大Sir雖然要扶住支架行，但佢不時面帶笑容同嘉賓合照，睇嚟佢身體好仲健康。
