中超提早封王嘅廣州恒大，周六最後一輪賽事迎戰天津權健，據國內傳媒報道，權健教頭簡拿華路將會接替史高拉利，重返恒大再次出任教練。「大簡」喺14/15球季教過恒大，但唔夠一季就俾人炒咗，舊年接手中甲嘅權健主帥一職，成功帶球隊升上中超。有消息話「大簡」會同恒大簽約五年，恒大將於今個月八號開新聞發佈會公佈新帥人選。