禮拜日（5日）田草十場賽事用最狹窄之C加3跑道，睇番上季11月6日婦女銀袋日亦係用C加3欄，當日大利居中後上馬，其中「駟寶」、「勝得威」及「怪獸家長」都係早段留守尾叠，入直路憑後勁反先對手，大家選馬時不宜過份側重內叠前置馬。
今戰列陣馬中，第二場五班1200米的「金鹿」（容天鵬馬房）乃全場唯一曾於田C加3欄勝出之參戰馬，降入五班換上潘頓出爭強項，提防回復表現。
另外，尾場二班1400米的「綠勇士」（大摩馬房）歷來兩捷皆於田草C加3欄所得，窄場性能唔使懷疑，有力一撼一眾強敵，例如「五十五十」、「平湖之星」及「不可思議」。