相比其他有頂級豪門壓陣嘅歐聯組別，由四支黑馬比錫達斯、波圖、RB萊比錫同摩納哥（左）組成嘅G組，一如外界所料繼續亂局混戰，不過最難估係上屆四強分子摩納哥，今屆踢足四輪都未開齋，今仗作客比錫達斯都只係打和1:1，對晉級形勢冇咩幫助，反而喺榜首嘅比錫達斯差一分就晉級，睇怕另外三隊可以專心爭另一個出線名額喇！