美國《ESPN》話國際足協（FIFA）想將世界冠軍球會盃大幅改制，將呢項現行由六個洲份合共七支球隊角逐嘅洲際賽事，增加到由24支球隊角逐，而且賽期亦會由慣常嘅12月，移到去六月嘅暑假檔期上演，FIFA希望喺2021年6月正式實施新規。報道話新制下嘅世冠盃或會分成三組，以每組八隊嘅形式進行為期長達18日嘅賽事，實情就係想搵錢搵到盡！