星球大戰第8集《星球大戰：最後絕地武士》今年聖誕上映，肯定係星戰迷最期待嘅聖誕大禮。
新地嘅apm商場亦趕星戰熱，喺呢個聖誕打造6,000呎震撼場景，帶大家遊歷5大星戰聖誕主題區，包括長10米嘅星戰戰艦場景、《星球大戰：最後絕地武士》角色1:1人偶以及虛擬實境體驗區等，其中《星球大戰：最後絕地武士》嘅全新角色Elite Praetorian Guard，同全新造型設計嘅Stormtrooper Executioner，會同其他星戰嘅家傳戶曉角色如Kylo Ren同Captain Phasma，首度同場列陣，佢哋噚日率先亮相同大家say hello，11月19日會正式登場同市民connect。而以LEGO拼砌成嘅星戰角色，包括全球首次曝光嘅新角BB9E及代表正義一方嘅BB-8，屆時都會陪大家過聖誕。