疑似TVB「黨委書記」，被指係TVB終極揸fit人、非執董兼副主席黎瑞剛傳婚訊！內地微信公眾號「觀媒君」爆料，48歲嘅黎瑞剛，同電視製作公司IPCN創始人、CEO楊媛草拉埋天窗。
微信同時轉載多幅黎瑞剛與楊媛草嘅照片，不過冇透露結婚日期同地點。楊媛草現年37歲，來自重慶，據講英國卡迪夫大學（Cardiff University）畢業，有大眾傳媒和社會學學士榮譽學位、廣告和市場經濟碩士學位。
八方起底楊媛草，佢24歲時喺倫敦創辦電視製作發行公司「野草」，戰績包括將《中國達人秀》、《中國好聲音》、《舞林爭霸》等版權引入內地，之後成立電視製作公司IPCN，2014年6月黎瑞剛揸fit嘅華人文化基金（CMC）投資IPCN，八方相信TVB未來好可能多個生意拍檔。