今個禮拜三（11月1日）舉行今季第一次沙田泥地夜賽，睇番上季11月2日首次泥地夜馬，當晚雖然有「金太陽」及「都靈明珠」放快贏馬，但居中後上馬亦唔蝕底，合力交出五場頭馬。
而且由於外欄燈光較佳，故當晚有「識飛」（已退役）、「添好運」及「威利熱流」直路飛出中外叠後上建功，因此今期的中外檔馬千祈唔好睇小。
周三列陣馬中，第二場「踏雪名駒」正是於上季同類賽事勝出，亦係全場唯一曾勝泥地夜賽的參戰馬，當然值得睇好。
另外，第五場「靚加加」（大摩馬房）由擁有一雙長腿的女馬主史佩加持有，過往跑泥地夜賽一次即贏，場地性能不用懷疑，本身新勝泥地一哩日馬，陣上有力再創佳績。