全新旅遊專頁，即like籽想旅行：https://fb.com/travel.appleseed
iPhone X 炒唔炒得起？3-5個星期後先攞到機，會唔會冧價？呢兩條問題係肥通日日俾人問起的問題。
其實現在情況相當唔明朗，大陸大莊、香港後門貨，大家齊齊三緘其口，唔肯講價錢問題，所以場內人普遍認為，就算老行尊都睇唔透呢部機嘅「定價」問題，所以炒起幅度如何？炒價幾多？就算場內人都話講唔清實價。
會唔會一開跌破招股價，普遍行家都認為可能性不大！點解咁有信心，話說過去呢個周日，先達場內人發現，有啲「走了」多時的舊iPhone炒家，竟然返嚟搵舖！佢哋好多人想當年都係捱唔住舖租而敗走，最耐的一個老行尊，是幾年前炒了iPhone 6後，認為炒賣iPhone冇得做而離場的，但今天竟然發現這類「舊人」，回巢先達搵短期租約舖。由此可見，不少人對iPhone X的短炒能力有信心。不過當然，任何炒賣都涉及風險，不要胡亂入市為佳。
記者、攝影：朱崇德