【本報訊】被譽為「Band界紅館」的Hidden Agenda今年5月遭入境處放蛇拉人，引發軒然大波，曾被多次逼遷轉場，今日終正式告別觀塘工廈。
Hidden Agenda這次未有後繼場地，暫別觀眾後不知何時東山再起，但負責人阿和稱沒有不捨，「都未完，HA仲喺度，冇咗場地箒！」他強調凝聚到一班支持者是靠對Live House音樂的熱愛，「你唔係話冇咗個場地就代表我哋被消滅」。
申請牌照處處碰壁
Hidden Agenda位於鴻圖道的工廈單位，「準備中」的牌子仍掛在門上，鐵閘半掩，由以住每月「閒閒哋」3、5場演出，經常full house，到今天收拾細軟，音響器材全部打包，門口招牌亦拆下，只等待上貨車入倉。
Hidden Agenda於2009年成立以來搬過4次，阿和重溫Hidden Agenda的相片集時指，最有感覺是憶起與受邀樂隊相處的時光，因他除了接洽樂隊到場演出，多數身兼保母，最近一次有深刻印象的是台灣樂隊Hello Nico詹宇庭。阿和第一次見她時，純粹合作夥伴上交流，相處久了，就會對她了解更多，形容詹宇庭「好感性，好有大愛，同時好抑鬱」。
對於政府對待工廈的手法，阿和說，曾經嘗試配合當局，申請相關娛樂場所牌照，但處處碰壁，「係我申請唔到，而唔係我唔申請」，又指曾經請立法會議員譚文豪幫忙，向當局示範逃生安排，但不得要領。
早前施政報告一出，阿和稱「死心」，「講咗（工廈政策）唔會有一part係做演出場地」。他斥政府眼中的藝術空間是「畀一啲藝術家喺一個劏房入面擺張枱，諗嘢嗰啲」。他現時希望休息一下，再思考未來方向。
■記者葉親惠