「超人」李嘉誠旗下私人投資旗艦維港投資有份投資嘅Razer喺噚日進行投資者推介會，超人嘅紅顏知己周凱旋當然都有身體力行到場支持喇。原來周凱旋對電競十分感興趣，仲話自己最鍾意用Razer手掣打《街霸》，仲試過因為太激動而整到隻手瘀咗，陰公豬囉。
係芸芸咁多角色之中，佢就話自己最鍾意用嗰個係女角色，但就一時醒唔起個名。講到《街霸》最出名嘅女角色，咪就係春麗囉。唔知點解，華華一秒聯想到《超級學校霸王》入面嘅邱淑貞。
佢仲透露，同公司嘅同事計劃夾份一隊女子電競隊，最好入面選手全部都係香港人，真係睇唔出向來舉止優雅嘅周凱旋，原來真係對電競咁有興趣喎。
李華華