【本報訊】70歲的任太近10年面對多重難關，全家先後患癌、家人陸續癱瘓、去世，普通人也覺辛苦，遑論一名患癌婆婆。出生中產家庭、年輕時衣食無憂的任太，談及年老後面對突變，訪問期間多次落淚，但10年來仍能樂觀面對困境。
為女兒懂做手作感自豪
「一直以嚟，細個時父母好錫我，婚後老公同阿仔好錫我，我亦好任性，但如果呢10年唔係發生咁多事，我都唔會明白幸福非必然，有時候我好感恩身邊好多人疼愛我」。任太的住所，四周佈滿家人的照片及物品，甚至10年來家人生日蛋糕上的「生日快樂」小牌子，她亦全數保存。
「有得必有失，我𠵱家天跌落嚟當被冚！」女兒雖自閉，但她為女兒能做出多項手作感自豪；丈夫雖半癱，但對丈夫對她百般呵護心存感激，「以前佢行得時，我哋60歲人都仲會手拖手行街；我個女雖然自閉又弱智，佢識整禮物畀我」。
她直言辛苦，但不覺得慘，亦非孤單上路，「如果我唔係生癌，我唔知咁多人錫我，唔知我丈夫日日喺醫院陪我，我個仔當時做會計，工作咁忙都每日早午晚打3次電話嚟，教會亦好多人幫我，感謝一切」。
■記者梁佩珊